Zapatuko ekitaldian Txomin Garcia presidenteak adierazi zuenez, Euskadiko Kutxak ez du egun handitze horren ezinbesteko premiarik eta ez dauka zerikusirik Ipar Kutxaren integrazioarekin. Beraz, etorkizunerako aurreikusten dituzten kapital eskaera altuagoei aurre egiteko gertu egotea gura da handitzearekin.
Gaur jarriko da martxan
Kapitalaren handitzea gaur bertan jarriko da martxan. Bazkide zein kolaboratzaileei –kapitala izaten jarraitu gura duten erretiratuak– eta Euskadiko Kutxari lotuta dauden beste kooperatibei dago zuzenduta kapitalaren handitzea.
Gainera, zapatuko batzarrean ez zen mahai gainean jarri Euskadiko Kutxa aztertzen dabilen beste neurri bat: etorkizunean kutxaren bezeroek ere kapitala eskuratzeko aukera izatea. Hori bai, kutxako iturrien arabera, kapitala bezeroei ere zabaltzea onartzea Batzar Nagusiari dagokio.