Apirilaren 3an abiarazi zuten herriko jaiak antolatzeko prozesu partehartzailea. 25 lagun elkartu ziren lehen batzar hartan, euren ekarpenak eginez. Hala, biharko batzarrean ideia horiek landu eta Sanjuanei forma ematen hastea da asmoa.
Kepa Urteaga Kultura zinegotziak azaldu du zein den prozesu partehartzaile horren helburua: “Jendeak parte-hartzen ez badu, jaiak hil egiten dira" (…) "Badakigu lehen bi egunetan –San Juan bezpera eta San Juan eguna- jende askok hartzen duela parte, baina hurrengo egunetan behera egiten du parte-hartzeak. Beraz, horiek ere indartzea da nahi duguna".