Zuztarrak Errotuz taldearen bultzadaz izan da posible hitzaldi ziklo hori, Nabarralde elkartea eta Arrasateko Udala bidelagun izan dituztelarik. Diotenez, "konkistatzaile arrotzek kontatu edo ezkutatu" duten historia argitzen saiatuko dira: "Gertakizun tamalgarri hartatik 500 urte iragan diren arren bizirik irauteko eta, berriro ere, geure buruaren jabe izateko borondate irmoarekin jarraitzen dugu. Euskal Herria da gure nazioa, Nafarroa gure estatua. XXI. mendean aurrera goazen heinean, gure iragan lapurtua, historia berreskuratu eta ezagutarazi nahi dugu, gure etorkizuna eraikitzeko. Horixe baino ez dugu bilatzen".
Bost hitzaldi eta erakusketa bat
Hitzaldi zikloak bost saio izango ditu, eta hizlariak gaian adituak izango dira. Gaur, eguaztena, Beñi Agirrek Nafarroa, euskal estatuaren historia hitzaldia egingo du –19:00etan hasita, Kulturateko areto nagusian–. Hona hemen antolatzaileek prestatu duten egitaraua: