Mahai-gainean dituzte baina, beste hainbaterako proposamenak oraindik datarik zehaztu barik dituzten arren; horien artean, argazki digitala, txalaparta, posta elektroniko eta sare sozialena eta baita oparietarako paketeak egiten ikastekoa ere. Eta datozen asteetan ere egin gura dute hasiera baten martxorako aurreikustako arnasketari buruzkoa; Maitena Aranaren eskutik, estresari eta daroagun bizitzeko modu azkarrari aurre giteko aholku eta teknika osasungarriak jasoko ditugu horretan.
Horiek guztietan izena emateko aukera dago bost euro ordainduta, 943771228 telefonora deituta edo aed@aedelkartea.com idatzita. AEDtik baina, ikastaro gehiagotarako proposamenak jaso gura dituzte, horretarako baldintza bakarra gogoa izatea dela azalduz.
2011ko azaroan abian jarri zutenetik, askotariko gaiak lantzeko aukera ematen du ekimen honek, beti ere euskaraz, egun bakarrekoak, gertukoak eta teoria eta praktika uztartzen dituenak. Arantxa Otadui historialariak emandako artearekin lotutako bi ikastarorekin ekin zioten; irrintziak botatzen erakutsi zien Rakel Murgiondo musika adituak urte hasieran egin zuten hurrengoan.