Askok kontrakoa uste duten arren, 2012an ere zentzua du bizitzaren muina ardatz dituen egunotako Elizaren mezu tradizionalak: bizitza; heriotza; sufrimendua…. Eta elizkizunetan, mezu horiek gaurkotasuneko arazoei erreferentzia egiten diete, aurten bereziki, barkamena eta injustizia izan dira ardatz nagusi.
Debagoieneko herri guztietan izan dira eliz-ospakizunak eta bakoitzak bere aldetik egin dituzten arren, aspaldiko ohiturari eutsiz, Eguen Santuan, abadetzearen sormenaren eguntzat hartzen den egunean, Debagoieneko 13 abade elkartu ziren, otoitzaldia egin eta elkarrekin bazkaltzeko gero.