Kepa Junkera musikariak eta Xabier Amuriza bertsolariak Beti Bizi izeneko lana aurkeztuko dute hilaren 19an, osteguna, Arrasateko Gaztetxean. Beti Bizi lanean, bizkaiko 12 kopla zahar biltzen ditu, euskal kultura, abesbatzen mundua eta musika elektronikoa uztartzen ditu. Xabier Amurizak berreskuratutako eta Leioa Kantika Korala abesbatzak abesten dituen Bizkaiko kopla dira, Kepa Junkera musikariaren ukitu bereziarekin landutakoak.
Lan berri honek iragana eta oraina uztartzen ditu eta gaztetxekoa emanaldi berezia izango da, izan ere, Junkera eta Amurizarekin batera musikari bakar bat egongo delako gaztetxeko oholtza gainean. Kooltur Ekintzak elkartearen esanetan, emanaldia ohikoa baino askoz ere intimoagoa izango da.
Izate, hilaren 12an
Kooltur Ostegunak ekimenaren hurrengo kontzertua apirilaren 12an izango da. Bertan, Donibane Ziburuko Izate taldea arituko da. Iparraldeko taldeak post-hardcorea lantzen du eta aurreko urtean kaleratu zuen Gure negu hotzak izeneko lana aurkezten dihardute.