Atez ateko zabor bilketaren aurkako Arrasateko taldeak ez du baztertzen akusazio partikular moduan aurkeztea Arrasateko Udalak joan den astean herriko etxeetan ipinitako bandoa dela-eta. "EAJ eta PSE-EEk txosten juridikoa eskatu dute Udalean, eta horren emaitzaren arabera, akusazio partikular moduan aurkeztuko gara akaso", adierazi du Oscar Garcia bozeramaileak. "Injuriosoa eta guztiz desegokia" dela uste du Garciak "guztien diruekin" bando publiko bat jartzea.
Garciak gaineratu du bando horretan eurei buruzko "gezurrak" esaten dituztela eta hori dela eta, espero dute alkatearengandik "barkamen eskaera" espero dute. "Berak esaten du gezurtiak garela, frogarik gabe".
Garciak azaldutakoaren arabera, datorren apirilaren 11n batzarra egingo dute alkatearekin eta hortxe espero dute haren barkamen aitortza.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.