Bertigo abestia 'Collage' izeneko diskoa ixten duen abestia da eta pertsonen bizitzan bertigoa sortzen duten gauzei buruz hitz egiten du: erronka berriak, hipotekak, desjabetzak, ardurak... Hori dena islatzeko erritmo biziko bideoklipa izango dela esan digu Juan Sang taldeko abeslariak.
Bideoan, taldea Polmetasa zaharrean jotzen ikusiko da, zuzenean erabiltzen duten su eta kea eta guzti. Ez hori bakarrik, martxoaren 22an Bilboko On Diego Lopez Haroko Kale Nagusian grabatutako irudietan Willy Toledo aktore ezaguna agertzen da. J. Sang-en esanetan, Toledo ez da bideoklipeko pertsonai nagusia, baina bideoan protagonismoa du. Toledorekin lan egitea oso erraza izan da. Bideoa grabatzeko 20 ordu baino gehiago behar izan dute.
Bideoa hilabete barru
Grabaketa lanak egin ostean, bideoaren muntaia egitea besterik ez da geratzen. Governorseko kideek hilabete barru kaleratzea aurreikusten dute.