Sailkapeneko azkena hartu du gaur goizean etxean Ford Mugarrik, baina putz galantak bota dituzte jokalariek Deustuko Unibertsitateari irabazteko. Arrasatearrak ez dira fin ibili; defentsan huts asko egin dituzte eta erasoan makal aritu dira. Hala, bigarren zati ia osoan aurretik joan dira kanpotarrak, baina etxekoek jakin dute lehiari buelta ematen eta irabazten amaitu dute. Amaieran 32 eta 30 adierazten zuen markagailuak.
Ane Herrero entrenatzaileak adierazi digu: "Kantxara ondo irten ezean, edonork irabazi gaitzake. Ez dugu gure jokoa ondo egin". Gaineratu digu orain buru-belarri jarriko direla igoera fasea prestatzen. Maiatzeko lehen asteburuan jokatu da. Bestalde, Kopa ere jokatuko dute. Hori apirilaren 14an hasten da, baina eurek atsedena dutenez, apirilaren 21-22ko asteburuan izango dute lehen partidua.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.