Ludoteka ibiltariaren azken saioa zapatuan, San Andres auzoan

Txatxilipurdiren ludoteka ibiltariaren azken saioa egingo dute zapatuan San Andresen. Bedoñabe herri eskolan elkartuko dira: 10:30etik 12:30era 3 eta 12 urte bitarteko haurrendako eta 12:30etik 13:30era 0 urtetik 8 urte artekoendako; azken horiek helduen laguntzaz joan beharko dira. Sormena landuko dute, denetariko materialekin. Antolatzaileek gurasoek ere parte hartzea gura dute,  ondo pasatzeaz gain, euren seme-alaben eredu eta animatzaile izan daitezen. Biharko saioaren ostean, datorren otsailera arte agur esango diote ludoteka ibiltariari.