Hileta zibilak, beste era bateko agurrak edo omenaldiak, eta horrelakoak noiz eta non egin ahal diren jasotzen du Arrasateko Udalak 2010eko urrian onartutako Udal Araudiak. Araudi horren arabera, San Kristobal hilerrian eta Aldai parkean egin daitezke, arratsaldeko 18.00etatik 20.00ak bitartean, domeka eta jai egunetan ezik. Gaurko ez-ohiko osokoan aipatutako Udal Araudiari hainbat aldaketa egitea proposatuko dute, besteak beste: larunbat goizetara aukera zabaltzea; eta ospakizun horietarako borondatezko herritarrekin hizlarien zerrenda osatzeko baimena eskatzea. Indarrean jarri zenetik, bi eskaera besterik ez dituzte jaso.
Eskaera egiteko BAZ era joan behar da ospakizunaren eguneko goizeko 11.00ak aurretik; doako zerbitzua da. Udalaren bete-beharra da tokia uzteaz gain, behar den materialaz (megafonia; hilkutxa eusteko tresnak..) zein pertsonalaz ere horinitzea; eta eskatzailarena berriz, tokia ospakizunaren auretik jaso moduan uztea.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.