Lehen saioan Maddalen Iriarte kazetariak Edurne Brouard AEKko arduraduna elkarrizketatu zuen Kulturateko klaustroan. Hurrengoan Uxue Alberdik Maialen Lujanbio elkarrizketatu zuen. Honako gogoeta egin zuen Lujanbiok: "Interesantea izan daiteke horrelako ekimen bat emakumeak plazaratze aldera; baina, zalantza barik, helburua litzateke titulu hori jarri beharrik gabeko tertulia bat, non emakumeak protagonista diren gizonak bezalaxe".
Rolak trukatzen
Eguazteneko azken saioak protagonista berak izango ditugu, baina paperak trukatuta. Izan ere, oraingoan Lujanbiok elkarrizketatuko du Alberdi. Saioa gertukoa eta atsegina izatea espero dute antolatzaileek; inor ez dela etorri izanaz damutuko ziurtatu dute.