Oscar Garciak, plataformako kideak jakinarazitakoaren arabera, orain dela hilabete sortu zuten atez atekoaren kontrako taldea Arrasaten. "Kalean astero" egoteko asmoa dute, besteak beste, sinadurak batzen.
Gero, horiek, udaletxean aurkeztuko dituzte. "Ahal diren sinadura guztiak batuko ditugu; alderdi politikoetako ordezkariekin ere berba egingo dugu eta asmoa dugu atez atekoaren gainean berba egiten dutenean mozioak aurkezteko Udalean".
Maiatzera arte
Garciak esandakoaren arabera, momentuz maiatzera arte jardungo dute sinadurak batzen, "baina nahiz eta atez atekoa onartu, seguru aski aurrera jarraituko dugu".