Governors taldeko Juan eta Yago taldekideek Arrasate Irratian kontatu moduan, taldeko managerrak Toledo laguna du eta Arrasateko taldearen diskoa oparitu zion: "Oso rockzalea da Toledo eta diskoa asko gustatu zitzaiola jakin genuenean, bideoklipa grabatzeko proposatu genion eta horrela, atzo goizean Bilbon grabaketa batzuk egin eta Arrasaten egin genituen arratsaldean beste batzuk, herriko lantegi zaharretan eta Kanpazarren, besteak beste" azaldu dute Governorsekoek.
Grabaketa-lanak eginda, eta kontuan izanda Toledok ez duela lan ezer kobratu (jatekoak eta lotarako aterpearen truke etorri zen-eta) ordainsari moduan ondo mimatu zuten aktorea: kaleko giroa erakutsi zioten lehenengo, elkarrekin afaldu zuten gero eta parrandan jarraitu zuten ondoren.
"Aurrez ez nuen ezagutzen eta oso gertuko pertsona jatorra iruditu zitzaigun, bere laneko bitxikeriak kontatu zizkigun. Eskertzekoa da horrelako pertsonaia batek duen agenda betea izanda, guretako tartetxo bat egitea. Pozik itzili da gaur etxera, sekulako bixamonarekin uste dut" azaldu du barrezka Governors taldeko Yago Goronaetak.
Bideoklipa hilabete barru erakusteko moduan
Atzoko grabakeketak eginda, datorren astean beste batzuk egingo dituzte; asmoa da muntaia lanak eginda hilabete barru bideoklipa erakusteko moduan izatea.