Monterron pareko zebrabidearen ikusgarritasuna oztopatzen zuten autoen aparkalekuak dira asteon kentzen ibili direnak. Are gehiago, autoek aparkatzea galarazteko, piboteak jarri dituzte aparkalekuen ondoan.
Helburu bikoitza
Bada, gaur Udalak jakinarazi du aparkaleku horiek ez direla hutsik geratuko, baizik eta euren asmoa dela egokitzea bizikletek eta motorrek aparka dezaten. Beraz, oinezkoen segurtasuna (eta auto gidariena) ziurtatzeaz gain, bizikletan eta motorrean ibiltzen direnentzako aparkaleku gehiago izango dira Arrasaten hemendik aurrera.