Arzamendik gaineratu du etorkizunean lekuz aldatu beharko direla. Egungo presidentearen arabera, jarduera-lizentzia izatea ezinbestekoa da, esaterako, Udalak irisgarritasun baldintzak hobetzeko baimenak eman ditzan. Eta Udalpek, Arrasateko elkarte gastronomiko gehienak bezala, ez dauka lizentzia hori. Oraingoz, beraz, Udalpek bere horretan jarraituko du.
Udalpe elkarte gastronomiko mitikoak Iturriotz kalean jarraituko du oraingoz. Bazkide guztiek atzo egin zuten bilera, zaratek eragindako bizilagunen kexak eta irisgarritasun arazoak direla-eta egungo egoitza lekuz aldatzea eztabaidatzeko. Juanjo Arzamendi egungo presidentearekin egon gara eta aditzera eman digu oraingoz berdin jarraituko dutela: "Lekuz aldatzea gastu handia eta ez dira garai onenak horretarako. Gainera, zaraten arazoa kontrolatzen badugu Udalak esan digu ez dagoela arazorik. Izan ere, 2010ean kexa bat jaso genuen eta iaz beste bat; ez da horrenbesterako".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak