"2012ko ekitaldian Udalak banatuko dituen diru-laguntzen deialdia oraindik ez da onartu. Hala ere, Jubilatuen Elkarteei zuzendutako diru-laguntzen 2011ko deialdiak ezartzen du programa honen kontura emandako diru-laguntzak ordainduko direla hiruhileko aurrerakinen bidez, hiruhileko bakoitzaren lehen hilean".
Bada, argudio horrekin aurreratuko die diru-laguntza zati bat Udalak herriko lau erretiratu elkarteei. Modu honetan:
Abaroa: 3.744 euro
Toki Argi: 2.978 euro
Musakola: 2.667 euro
Uribarri: 2.080 euro
Toki Argi
Bestalde, erretiratu elkarteekin segituz, atzoko Udal gobernuaren batzarrean erabaki zuten deialdia egitea Toki Argi erretiratu elkarteko taberna zerbitzua adjudikatzeko. Orain, erabakia Gipuzkoako Aldizkari Ofizialean argitaratu behar dute eta gero 20 egun itxaron deialdi hori egin ahal izateko.