Hip hopak hartu du Arrasateko gaztetxea

Atzo Goienetxe Anaiak eta Norte Apache taldeek giro ederra jarri zuten, maila ona eskainiz. 70 bat lagun elkartu ziren eta antolatzaile lanetan diharduen Iago Casconek gehiago izan zitezkeela uste duen arren, pozik daude festak orain arte izan duen harrerarekin. Gaur arratsaldetik izan dira ekintzak: 17:00etatik aurrera DJ emanaldi etengabea, skate erakustaldia eta graffitigileak, besteak beste. Break dance emanaldia bertan behera geratu da, Samu Crew taldekoak ez dutelako etortzerik izan. Gauean kontzertuak izan dira protagonista: Revolta Permanent, 121 Sound System eta Trifulca Posse. 

• ARGAZKI GALERIA: EGUBAKOITZA
• ARGAZKI GALERIA: ZAPATUA