Martxoaren 8aren bueltan, Soltarlo al Aire izeneko klown funtzioa antolatu du Kooltur Ostegunak gaztetxean (22:00etan). 60 minutuko saioan, Martinak zailtasunei eta gizarteak inposatutako aurre-iritziei aurre egin eta erakutsiko du gauza dela bere kabuz munduari aurre egiteko. Hori guztia, umore, samurtasun eta pasioarekin uztartuta. Adin guztietako ikusleei zuzendutako lana da.
Ameriketako Estatu Batuetatik eta Hego Amerikatik barrena bira luzea egin ostean bisitatuko du atzera ere Que Par Che Teatro antzerki-klown taldeak Arrasate. Bilbotar (Maite Guevara) eta argentinar (Mariano di Franco) bikote batek osatutako taldea da. Antzerkian duten eskarmentua arlo pedagogikoan duten eskarmentuarekin uztartzen dute euren lanetan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.