Malen Ruiz de Azuak asteburu borobila izan du, podiumera igotzearekin batera marka pertsonala ondu duelako, eta Euskadiko errekor berria ezarri du bere kategorian –Maialen Axpe herrikideak zuen aurreko errekorra. Izan ere, pista estalian egiten diren markak aire librean ere kontutan hartzen dira.
Gizonezkoetan Istar Dapenak zortzigarren postuan amaitu zuen, 4,01 metroko saltoa eginda. "Gazte mailako lehenengo urtea izateko ez dago batere txarto, datorren urtean ere maila horretan egingo duelako salto. Gainera, Eibarko pista motza da, eta negu osoan han entrenatu ostean igarri egiten da. Seguru aire librean balio duena erakutsiko duela", adierazi du haren entrenatzaile Jonathan Perezek.
Maria Jose Gil, nekaezin
Gazte mailako atleta horiek Espainia mailako txapelketetan aurre-aurrean badabiltza, zer esan Arrasateko atleta beteranoenaren gainean. Maria Jose Gilek urrezko beste domina bat gehituko dio bilduma propioari asteburuan, Gijonen 6.000 metroko lasterketan azkarrena izan zelako 70 urtetik gorakoen mailan.