Euskal preso eta iheslarien eskubideak aldarrikatzeko sortu da Herrira. Edozein ideologia edo alderdi politikotik kanpo kokatzen du bere burua eta euskal preso eta iheslarien etxeratzean lan egin gura duen oro izango da ongi etorria. Goizean Kulturaten, 50 bat herritarrek norabide horretan egin beharreko urratsen gainean berba egin dute, eta herritarrek euren ekarpenak egin dituzte.
Ondoren, plazan, Herrira ekimenaren aurkezpena egin dute. Bertan izan dira Manu Ugartemendia Herrirako kidea eta Arrasatear ugari. Txorizoa janaz era sagardoa edanaz, trikiti, dantza eta txalaparta hotsen artean egin dute aurkezpena. Familia argazkia ere atera dute.