"Egindako lanaz pozik". Emandako datuen arabera, eguneko, 3.326 bisitariko kopuruarekin esango dute agur, ala, behintzat, gero arte, "aldi batez" etengo baitute jarduera, diru-laguntzen jeitsierak eragindakoa.
Goienaren oharra
Goiena Komunikazio taldeak, mezu hau helarazi nahi izan die, bai Mondraberrikoei eta baita euskarazko hedabideen kontsumitzaileei, jendarteari, oro har, eta erakundeei:
"Goienan kezkaz eta penaz hartu dugu euskara hutsezko hedabide honen itxiera. Ez da lehenengoa, eta gaur bizi dugun egoera kontuan izanik ez da azkena izango zoritxarrez. Mondraberriren itxiera, Ttipi-ttapa telebistaren, Azkoitiko Maxixatzen aldizkariaren eta beste hainbat herri aldizkariren itxieraren jarraipena baino ez da. Guztiak berri txarrak bere biziraupenerako hedabideen behar gorria duen hizkuntza batentzat. Hedabide barik ez dago euskararik eta, zoritxarrez, gaur egun oso kinka larrian daude hainbat eta hainbat hedabide. Gure elkartasuna Mondraberriko lankide eta talde sustatzaileko kideei".