Azkeneko urteotan, Fagor Taldearen linea zuriaren ardura izan du Fabian Bilbaok. Hain justu ere, alor hori da taldearen negozioaren %90a. Aurretik, Fagor Etxetresnak Kooperatibaren zuzendari nagusia izan zen Fabian Bilbao.
Euskal Herriko Unibertsitatean Ekonomia eta Enpresa ikasketetan lizentziaduna da Fabian Bilbao. 1993tik dihardu lanean Fagor Taldean eta hainbat ardura postu bete izan ditu.
Gaur egun, Geyser-Gastech Sozietate Anonimoko eta Ecolec Patronatuko presidentea ere bada. Geyser-Gastech-ek Bergaran du lantegi bat.
Fagor Etxetresnak Taldea Europako bosgarren enpresa da etxetresnen negozioan. Espainian, %18,1eko merkatu kuota du eta 1.400 milioi euroko fakturazioa izan zuen 2010ean. Munduko 130 herrialdetan saltzen du, 12 marka komertzialekin.
Berrikuntza, nazioartekotzea eta jasangarritasuna dira Fagor Exetresnak taldearen hiru ardatz nagusiak. Mondragon Taldeko kide da.
Fagor Etxetresnak Taldearen zuzendari nagusi izendatu berri dute Fabian Bilbao. Orain arte zeregin horretan jardun duen Txema Gisasola ordezkatuko du karguan. Izan ere, Txema Gisasola izango da, ekainetik aurrera, Mondragon Taldeko presidentea, Jose Mari Aldekoaren ordez.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak