Aurreikusi daiteke, EAJk aurkeztu duen atez-ateko zabor bilketaren aurkakoak berotuko duela bereziki, osoko bilkuraren aretoa. Zero zabor filosofiaren aldekoak direla azaldu du gaur goizean, Arrasateko EAJko Juan Karlos Garitanok baina ez dutela ulertzen, euren ustetan, Bilduk duen Atez-ateko sistemaren aldeko jarrera estua. Bilketa sistemarik ezarri aurretik, azterketa zehatz bat egiteko eskaera egiten dute jeltzaleek.
Alderdi Sozialistak proposatutakoak
Aritz Arrieta, Arrasateko Arderdi Sozialistako bozeramaleak Arrasate Irratian aurreratu du, urtarrilaren 25eko osokoan onartu zutela haur lapurtuen auzia salatzeko adierazpen istituzional bat eta gaur PSE-EEk aurkeztuko duen mozioarekin, beste pausu bat eman gura dutela, ardura edo errespontsabilitatea eskatuz die arduradunei, besteak beste Elizari.
Lan erreformarekin lotutako mozioaren harira, Arrietak kontatu du, hasiera baten, bi alderdik, Bilduk eta PSE-EEk, bakoitzak bere aldetik, mozio oso berdinak aurkeztu zituztela ikusita, mozio bateratu baten alde egin zutela gero. proposamen horrekin, Aralar alderdiak bat egin zuen gero. Lan-erreforma berriaren eraginez, lan-postuak sortzeko aukerarik ez denez izango, zerbitzu publikoa kaltetzen dela arguadiatu du.
Bildu Garoñaz
Eta alderdi politikoek aurkeztuko dituzten mozioen zerrenda borobiltzeko, Bilduren Garoñari buruzkoa ere gaurko zerrendan jasota dago.
Sahararen aldeko adierazpena herritar baten eskutik
Atzo izan zen, Saharar Errepublika Arabiar Demokratikoaren aldarrikapenaren 36.urteurrena gogora ekarriz, Agurne Juldain herritarrak aurkeztuko du; mozioarekin Saharar herriak bizi duen salaketa egin gura da beste behin.