Musikarekin lotutako beste hitzordu bat ere badator udaleko martxoko kultura gidan: Escuela municipal de Música Josep Porter i Rovira de Montblanc musika eskolako ikasleak Kataluiniatik etorriko dira Arrasateko Amaia antzokira martxoaren 17an.
Erakusketa, antzerkia eta zinema
Bestalde, Maialen Lujanbio bertsolariak beste bertsolari bat, Uxue Alberdi, elkarrizketatuko du eta emakume ingeniari, arkitekto eta asmatzaileei buruzko erakusketa ere martxoko kultura gidan daude. Baita umeendako antzezlan bat ere. Markeliñe antzerki taldeak Hareazko ipuinak izeneko antzezlana ekarriko du, 8 eta 14 urte bitarteko haurrendako antzezlana da.
Hori guztiaz gain heldu zein gaztetxoendako filmak ere botako dituzte martxoan Amaia antzokian, horietako batzuk hiru dimentsiotan.