Arrasateko Besaide Mendizale Taldeak Aldura mendi tontorrera egin zuen irteera domekan. Tontorra egin ostean, Ipintza sagardotegian bazkaldu zuten, bapo bazkaldu ere elkartu ziren 39 lagunek.
07:30ean abiatu ziren Arrasatetik Listorretaraino eta 9etarako mendian gora ziren. 11:00etan, Aldurako gailurrean. Handik, beherantz, Susperregira eta gero Listorretara. Eta Listorretik Astigarraraino, bazkaltzera, Ipintza Sagardotegian.
17:00etarako, itzulera bidea egin zuten Mondragoera. Kontatu digutenez, eguraldiak ez zien larregi lagundu, euri apur bat ere egin zuelako eta, osterantzean, oso lainotsu.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.