Lourdes Oncalaren Sevillana eskolako ikasleek ireki zuten egitaraua eguerdian, eta ondoren Sueños de Andalucia dantza taldeak emanaldia eskaini zuen. Al-Andalus elkartea goraino bete zen bi emanaldiok ikusteko eta sekulako giroa sortu zen: mahai guztiak beteta, jendea txalo batean eta dantzan bat baino gehiago. Egun luzea zuten aurretik, baina hasiera-hasieratik indartsu hasi ziren andaluziarrak.
Gauean afari dotorea izan zuten eta afaldu aurretik eta ondoren Andaluziatik propio etorritako Besana taldeak sevillanak, runbak eta pasodobleak eskaini zituen.
Gaur ere festa giroan izan da Al-Andalusen. Goizean elkarteko batzar nagusia egin ostean, eguerdian Alegria de la Sierra taldearen emanaldia izan dute. Martitzenean, eguenean eta zapatuan ere ospakizunetan jarraituko dute.