'Ilargiaren bi aldeak', muntaia ikusgarria

HIKA Teatroa taldeko kideek aho zabalik utzi zituzten atzo –zapatua– arratsaldean Amaia antzokian batutako guraso eta neska-mutikoak. Eszenaratzea oso zaindua, argiztapena ikusgarria eta dantza eta mugimendu ikusgarriak, soketan gora eta behera ibili zen gimnastak umeen atentzioa deitu zuen, zalantza barik. Eta hori guztia mezu argi bat zabaltzeko; bideojokoei dagokienean marraren bi aldeetan kokatu daitekeela bat: gerran egotera jolastu daiteke, edo gerra ahazteko jolastu. Bata bestearengandik oso urrun dauden bi alde horietaz mintzo da 'Ilargiaren bi aldeak' antzezlana. Kronika oso eta argazki gehiago, Astelehenko Goiena paperean.

• ARGAZKI GALERIA