Manex Bengoa gazteak (argazkian) saldu zion amama Mertxe Aranari angulen saridun txartela. Eta atzo, egubakoitza, berarekin joan zen Eguren arrandegira sari bila. Amamak kontatu zigun "domekan denondako bazkari" bat egin eta angulak familian jateko asmoa zutela. Aitortu zigun pare bat urte daramatzatela angulak jan barik eta ondo asko desberdinduko zituztela gulengandik.
Bisiguak, koadrilan
Andoni Ruiz de Azuak, berriz, kontatu zigun berak irabazitako bisigu biak laban erretzeko asmoa zuela, "koadrilan sei bat lagun elkartu" eta bapo bazkaltzeko asmoa zutela, bihar, domeka. "Urtean pare bat bider" bisigua jateko ohitura du Ruiz de Azuak, "Orio bertan dago-eta"; oraingoan, baina, ez du Oriora joan beharrik izango.