Lehiakideek minutu bateko ikus-entzunezko laburra egin behar izan dute.
Sari banaketa ekitaldia Bilbon egin dute. Ekitaldian, aurreko edizioko dokumentala ikusteko aukera izan da. Gerard Franquesak egina eta Senegalen bizi duten egoeraren gainekoa. Uraren gabeziak hainbat herrialdetan sortzen dituen arazoa zen gaia.
Dokumentala grabatzeko aukera
Iban Gonzalez datozen hilabeteetan Kongoko Errepublika Demokratikora joango da, dokumental generoko film labur bat egitera. Unesco Etxeak eta Unescok herrialde hartan duen ordezkaritza, aholkulari izango ditu Gonzalezek.
Beste bi sari banatu ditu aurten lehiaketa horrek, arrasatearraren sari nagusiaz gain: batetik, Bake Kulturaren aldeko Unesco Etxea Saria, Mikel Zenekorta basauriarrak jaso du, Y nosotros sin saber… lanarengatik. Bestetik, 18 urtetik beherakoei zuzendutako Ekin eta Egin kategorian, Maria Casanueva getxoztarra izan da garaile ¿Con qué visión del mundo te quedas? bideoarekin.
Etxezarretan grabatua
Iban Gonzalezek Etxezarretan, Arrasaten, Bergararekin muga egiten duen paraje bakarti, gertuko eta ederrean grabatu du ikus-entzunezkoa. Unai Gonzalez, Ibanen semea, da bideoaren protagonista, eta aktore bakarra. Ziragararria da mutikoak egiten duen lana.
Saritutako hiru ikus-entzunezkoak Unescoren bideo kanalean daude ikusgai.