Eguerdiko 12:00ak pasatxo eman du pregoia txikiteroz mozorrotutako koadrilak eta orduantxe hasi da benetako festa. Arrasateko kaleetan kolore ugari ikusi ahal izan ditugu; haur, gazte, zein heldu, guztiak irten dira etxetik mozorrotuta.
Mozorroak
Arrasaten aurten nagusitu den mozorroa piratena izan da. Lau pirata ontzi behintzat ikusi ditugu kalean. Baina urteroko beste mozorro klasiko batzuk ere ez dira falta izan: bikingoenak, indioenak, sevillarrenak, kordobarrenak, mexikanoenak, sorginenak... Eta originalago batzuk ere izan dira: sagardotegia Arrasatera ekarri dutenak, Madagaskargo pinguinoena, Urkiolako harria ekarri dutenak, Maritxu Kajoi eguna aurreratu dutenak...
Festa hasi besterik ez da egin oraindik eta jendea umore onez eta festarako gogoz dagoenez, ordu txikiak arte iraungo du jaiak.
Sariak
- Koadrila onena: Bella época taldearendako.
- Karroza onena: Bikingoendako.
- Neska bereziak: Paraxut jantzitako bikotearendako.
- Mutil berezia: Michael Jacksonez jantzitako Oier Arregirendako.