Eguraldi sikua egiten badu, astelehenean bertan hasiko dira asfaltatze-lanak egiten. Egutegia honako hauxe: lehen egunean San Frantzisko eta Azoka kalean jardungo dute; hurrengo bi egunetan Zarugalde kalearen txanda izango da, Muxibarko biribilgunetik Udalakora arteko zatian. Kasu horretan zirkulazioa txandaka bideratuko dute.
Arrasate pasealekua-Gazteluondo
Eta horren ostean, azkeneko hiru egunetan Arrasate pasealekua eta Gazteluondo ingurura joango dira lanera. Arrasate pasealekuan, San Viatorretik Kurtzetxikiko biribilgunera arteko zatia konponduko dute. Eta Gazteluondori dagokionez, hainbat puntutan lan egingo dute, baina kalea guztiz itxiko dute. Hori dela-eta, zirkulazioari dagokionez, Maalatik sartzen diren autoak Erdiko Kale eta Olartetik irten beharko dira.