Gaur, astelehena, otsailak 13, Torturaren aurkako eguna da Euskal Herrian; egun berean, orain 31 urte, torturapean erahildako Joxe Arregiren heriotzaren urteurrena oinarri hartuta. 30 urtetan 7000 tortura salaketa jaso direla dio Lorea Bilbaok, Torturaren Aurkako taldeko abokatuak eta gaineratu du, egoera politikoa aldatu den einean, tortura salaketa kopuruak ere behera egin duela; horren adibide, apirilaren 16an jaso zutela aipatutako elkartean azkeneko tortura salaketa. Gaurko aldarrikapen egunaren harira, eguaztenean, Otsailaren 15ean, bideo emanaldia eta solasaldia izango da Kulturaten.
2008an hamar lagun atxilotu zituzten operazio polizialean oinarritzen da Torturaren Aurkako Taldeak Durangoko Azokan aurkeztu zuten bideoak. Garzon protokoloa aplikatu zitzaien operazioan atxilotutakoei eta ondorioz, atxiloaldian grabatutako irudiak lortu zituen elkarteak eta gero dokumentalean txertatu; horrez gainera, torturak jasandakoen testigantzak ere batu dituzte.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.