Elkarteetan euskara nola bultzatu? Bixente Elortza lan horretan diharduen taldeko kideak azaldu digu ahozko zein idatzizko neurketak egiten dituztela, eta hasierako datuak hobetzeko helburuak zehazten direla. Noski, ezagutza zenbatekoa den jakin beharra dago erabilera neurtzeko. Bada, 23 elkarteotako ezagutza %63koa zen 2010 bukaeran. Era berean, datuen artean nabarmentzekoa da 2010ean ahozko erabilera %30ekoa zela gehienez, eta 2011 amaieran, berriz, %43koa izan zela. Bada zerbait lanean jarraitzeko.
Pasa da urtebete elkarte gastronomikoetan euskara plana abian jarri zenetik. Erretiratu talde batek beharra ikusi zuen euskara bultzatzeko ekimen bat abian jartzeko, bazkideak sentsibilizatzeko. Hasieran 12 bat elkartek egin zuten bat planarekin baina urtebete geroago 23 dira euskararen aldeko konpromisoa hartu duten elkarteak. SUDC barruan 27 elkarte daude egun. Plana bi urterako da baina lehen urteko datuak jaso nahi izan ditugu; hori horrela, Bixente Elortzak, lan horretan diharduen taldeko kidearekin izan gara. Segidan duzue elkarrizketa osoa entzungai.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak