Euskal Herriko punkaren talde erreferientzietako bat izan genuen atzo gaztetxean Kooltur Ostegunak ekimenaren eskutik: Vomito. Adinak ez du barkatzen, baina Irungo taldearen egungo formazioak punkaren nostalgia gainditzeko borondatea erakutsi zuen atzo. Kantu mitikoez gain abesti berriak egin dituzte, Vomitoren kutsua galdu gabe. Soinu oso landua eta nabarmentzekoa gitarra joleetako baten trebetasuna. Eta nola ez, Vomitoren gordintasuna. Publikoaren artean ez zen mugimendu larregi izan; eta horregatik ez zuten bisik jo. Egungo abeslari 'Klaus' argia izan zen oso emanaldiaren amaieran: "Hiru kantu joko ditugu, ez gehiago. Hotz zaudete". 120 bat sarrera saldu ziren.
Errepertorioari dagokionez ez ziren falta izan Un dia mas, Ley de vida, Soy una bomba eta Luna llena moduko kantuak. Amaitzeko, noski, taldearen kantu ezagunena: Las Fuerzas de Seguridad.
Hurrengo eguenean, deskantsua
Datorren eguenean ez da kontzerturik egongo. Izan ere, zapatuan Aratusteak ospatuko dira Arrasaten eta aste osoan zehar koadrilak karrozak egiten ibiliko dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.