Pirritx, Patakon eta Herri eskolakoak batera argazkian

Pirritx eta Patakon Arrasaten izan genituen joan zen astean, Goienak berri eman zuen moduan. Arrasate Herri Eskola sortu zela, edo, zehazki esateko, herriko ikastetxe publikoek, hirurek, bat egin zutela, 10 urte betetzen dira eta hori ospatzeko hurbildu ziren pailazoak Amaia antzokira. Eskolako txikienekin jolasean eta solasean aritu ziren, baita kantuan ere, eta joan aurretik, argazkia atera zuten denek batera, familia argazkia. Pataata… Klik!