Maite Barreñak egin digu unean bertan Arrasateko balorazioa: "Oso balorazio positiboa egiten dugu grebak Arrasaten izan duen jarraipenarekin. Udaletxea itxita dago eta Udalari dagozkion zerbitzuak ez daude martxan. Azken urteetan funtzio publikoan lanean dihardugunon eskubideen aurkako erasoa etengabea izan da eta argi dugu gure eskubideak aldarrikatzen ez baditugu inork ez digula ezer oparituko". Euskaltegian eta Aukean lanuztea beste ordutegi batean egingo dela gaineratu du Barreñak.
Jaurlaritzak iragarritako murrizketen aurrean sektore publikoan deitutako lau orduko lanuzte deialdiarekin bat egin dute Arrasateko Udaleko langileek. 11:00etatik 15:00etara egingo dute lanuztea eta horren berri emateko elkarretaratzea egin dute Herriko plazan, 11:00etan hasita. 30 bat lagun elkartu dira; horien artean, udal langileak eta politikariak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak