Hiru lagunek osatzen dute elkartea: Manu Gallardo, Txaro Jauregi eta Yolanda Palaciosek. Elkartearen asmoa lirika sustatzea da. Horretarako, bi ekintza egingo dituzte urtean zehar: batetik, opera bat ekarri gura dute urtero Arrasatera; eta, bestetik herriko jendearekin egindako ikuskizunak sustatu gura dituzte. Bestalde, elkartearen asmoa Debagoieneko herrietako musika eskolekin elkarlanean aritzea da.
'La Bohéme' opera
Ozenkik, Udalaren eta Kutxaren babesarekin eta Euskadiko Kutxaren laguntzarekin antolatu du La Bohéme opera. Martxoaren 1ean izango da, Amaian. Antzokian 689 lagunendako lekua egongo da eta dagoeneko sarrera mordoa saldu dituzten. 140 bat besterik ez dira geratzen. Sarrerak 25 eurotan jarri dituzte salgai eta kutxa.net-en eros daitezke.