Gaur egun, guk, horren aberats bizitzeko, herrialde behartsuagoetan egin behar dituztenak gogorarazi nahi digute eta herritarrak kontzientzia hartzera gonbidatu, kanpaina horrekin, Setem erakundekoek.
Hala, kontsumo arduratsua zer den azaltzeaz gain, kontsumo arduratsu horren bidez jendartea eralda dezakegula gogorarazi nahi digute, besteak beste, "gizartearekin eta ingurumenarekin arduratsuak diren produktu eta zerbitzuak besterik ez kontsumitzeko aukera" egin dezakegulako eta, modu horretara, "enpresak eta ekoizpen-eredua aldarazten laguntzen" dugulako.
Erakusketa ibiltari honek, hainbat arrasatearrren ikus-mina eta jakin-mina piztu du eta asko izan dira bertaratu direnak panelak ikustera. Esku-orriak ere banatu dituzte bertaratu direnen artean.
Arduratsu kontsumitzera gonbidatu gaitu Setem Gobernuz Kanpoko Erakundeak, eta eguneroko kontsumo ohiturak "kolokan" jarri. Horretarako, karpa bat ipini du Arrasateko Seber Altuben. Estonoesloqueparece.org kanpainaren barruan. Hiru arlotan egiten du lan erakunde horrek: Arropa garbia kanpainarekin, batetik, eta Finantza etikoak eta Bidezko merkataritza bultzatuz, bestetik. Hiruzpalau panel jarri dituzte eta 3D betaurrekoekin panelak begiratzera gonbidatu dituzte herritarrak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak