15 zentimo ordaindu beharko du arrasatear bakoitzak Bizkaia etorbideko igogailua konpontzearren. Hori da aurreko asteburuko bandalismoak herritarrengan izango duen eragina. Bestalde, Arrasateko urbanoan ere igarri dute apurketaren eragina. Normalean 29 bidaiari izaten ditu urbanoak hango geltokian; bada, urtarrilaren 31n 53 lagunek erabili zuten, eta otsailaren 1ean, berriz, 80 bidaiarik.
Astebetez izan zen erabili ezinda Bizkaia etorbideko igogailua, aurreko asteburuan ezezagun batzuek igogailuaren atea kolpeka apurtu ostean. Ate berria ipini behar izan dio Orona enpresak. Kostua: 3.500 euro.
Arrasateko Udala buru-belarri dabil bandalismo hori egin zuenaren bila.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.