Mondraren egoera ekonomikoan gardentasun falta dagoela egotzi zioten Patxi de Andres presidenteari abendu hasieran egin zuten batzarrean. Presidenteak balantze ekonomikoa aurkeztu zuen orduan –Bazkideek hainbatetan exijitu ziotena– baina bazkideek ez zituzten presidenteak aurkeztutako zifra horiek ontzat eman, eta batzorde kudeatzailea osatu zuten, besteak beste, kluba ze egoeratan dagoen ikusteko.
Martitzenean, bazkideek deituta, beste batzar bat egingo dute (19:00etan Kulturateko Jokin Zaitegi aretoan), baina de Andres ez da batzarrean egongo. Egun bat lehenago, astelehenean, dimisioa aurkeztuko duela adierazi du.