Goi mailako Heziketa zikloa egina dutenei prestakuntza espezializatua eskaintzeko sortu den ziklo ondokoen hezkuntza-eskaintza berriaren barruan antolatu da ikastaroa. Xafla eta forja-osagaiak transformatzeko sektorean antzeman diren beharrei aurre egitera bideratutako espezializazioa da.
Prestakuntza-ekintzaren alderdi azpimarragarrienak dira:
1. Programa aurrera eramateko jarraitu diren ildoak Eusko Jaurlaritzako Enplegu sailak (Lanbidek) onartutakoak dira, eta ikastaroa gainditu duten ikasleek “Matrizegile moldegilea” deritzon lanbideari dagokion ziurtagiria eskuratuko dute.
2. Ikastaroak bi zati ditu. Lehenengoa, 490 ikastordu ingurukoa, MGEPeko instalazioetan eskaini da, bertan jaso dituzte eskolak ikasleek. Bigarren zatiaren helburua, berriz, sektoreko enpresetan lan egitea da. Ildo horretan, ikastaroa laguntzen duten enpresekin hitzarmenak adostu dira, eta gutxienez ikasleen % 60ri 6 hilabeteko edo gehiagoko lanaldi osoko lan-kontratua egingo dietela aurreikusi da.