Landa eremuetan teknologia berriak erabiltzeko ikastaroak egingo dituzte Arrasaten

Eneko Azkarate Laspiur 2012ko urtarrilaren 31

Teknologia berrien, Informazio eta komunikazio teknologien, erabilpena sustatzea baserri eremuetan. Horixe da Dinamiza-TIC programaren helburua. Horretarako, besteak beste, ikastaroak antolatzen dituzte. Ikastaro horietako bat Bedoña auzoan emango dute.

Hastapen kurtsoa izango da eta oinarrizko ezagutzak irakatsiko dituzte. 24 orduko ikastaroa. Honako kontzeptu praktikoak erakutsiko dituzte:

  • Ordenagailu baten elementuak ezagutu eta ordenagailua erabiltzen ikastea: sagua, fitxategiak…
  • Interneteko sarea ezagutzea: hainbat web ezagutu eta orritik orrira nabigatzen ikasteko.
  • Posta elektronikoa erabiltzea.

Bedoñako auzo-lokalean emango dute. Otsailaren 13tik martxoaren 8ra bitartean. Astelehen, eguazten eta eguenetan. Goizez, 11:30etik 13:30era.

Izen-ematea

Modu honetara eman daiteke izena, betiere, otsailaren 9a baino lehen:

  • 943 76 25 47 telefonora deituz.
  • mkdebagaraia@euskalnet.net e-maila bidaliz.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.


Harpidetza aukera guztiak