Asteburu bakoitzean, gai baten inguruan ariko dira eta eskulanak, abestiak, jolasak eta abar egingo dituzte gerturatzen direnak, bertan egongo diren bi hezitzaileekin batera.
Ordutegia honako hau izango da: 10:30-12:30, 3 urtetik 12 urtera bitarteko guztientzat eta 12:30- 13:30, urte batetik 8 urte bitarteko umeendako; beti ere, guraso, nagusi edo heldu batekin baldin badatoz.
Une dibertigarriak
Lagun artean jolastu eta ondo pasatzeko aukera paregabea da Txatxilipurdiren Ludoteka ibiltariak eskaintzen duena. "Guraso edo helduek ere seme-alabei tarte bat eskainiaz zeinen une atseginak eta dibertigarriak pasa daitezkeen ohartarazteko aukera ezin hobea da" diote Txatxilipurditik.