Zaldibarko futbito txapelketa: Dribling taldeak sendo jarraitzen du lidergoan

Beste asteburu batez jokatu dira Zaldibarko futbito txapelketako partiduak. 11. jardunaldiko azken partiduan liderrak –Dribling– eta azken sailkatuak –Portaboleiros– neurtu dituzte indarrak, eta argi geratu da sailkapenak erakusten duena ez dela kasualitatea. Jaun eta jabe izan da Dribling, aldaketetarako jokalari gabe aritu badira ere (6-1). Alberto Matalobos eta konpainiak uneoro kontrolpean izan dute norgehiagoka eta gaurko garaipenarekin sendo jarraitzen dute lidergoan.