Urtarrilaren 7ko herri mobilizazio orokorra "kolosala izango zela iragarri" zutela eta "horrela izan" zela aitortu zuten batutakoek. "Euskal Herriko eta munduko beste hainbat tokitik etorritako 110.000 lagunek egun indarrean dagoen espetxe politikak errepresio, erabilpen eta mendeku klabeetatik konponbide demokratiko baten klabeetara igaro behar duela irmo aldarrikatu zuten".
"Oinarri sendoak jarri ditugu, baina etorkizunera begira argi luzeak pizteko garaia da", esan zuten.
Euskal jendartearen gehiengoak euren aldarrikapenekin "bat egiten" dutela gogoratu zuten, eta azpimarratu zuten "Euskal Herrian inork gutxik ulertzen eta onartzen duen egoera bat luzatzen" dabiltzala "Moncloa eta Eliseotik", eta Txus Martinen eta Iñaki Erroren egoerak salatu zituzten.
"Neurri argiak" eskatu zituzten: "sakabanaketa politikarekin amaitzea, bizi osorako espetxe zigorrarekin amaitzea,
hiru laurdenak bete dituzten presoak askatzea, eta eritasun sendaezinak dituzten presoak askatzea. Neurri hauek gaur bertan hartu beharrekoak direla aldarrikatu nahi dugu".