Partidua erabakigarria zen eta Iban Rodrigezen mutilek argi zuten egitekoa: irabazi. Helburu horretxekin irten ziren zelaira arrasatearrak; kontzentratuta eta serio.
Bi taldeak pareko
Lehiaren lehen zatian, ez zen bi taldeetako bat bera ere nagusitu. Joko politik gabeko zatia izan zen, falta asko eta baloia trabatuta. Hala, taldeek izan zituzten aukerak ere gutxi izan ziren. Mondrak izan zuen lehena kornerrera botatako baloi batekin. Kanpotarrek ere izan zuten aukera garbi bat: Arrasateko atezaina kanpora irten eta Beti Gazteko mutilak zutoinera bota zuen narrua. Baina orokorrean, joko gutxi. Horren adierazle atsedenaldira husnako berdinketarekin joan zirela.
Garaipeneko gola, bigarrenean
Bigarren zatia hasi eta lasterrera sartu zuen gola Mondrak. Hegaletik ondo eramandako jokaldia baten ostean erdiratu eta Xabi Pavonek bigarren zutoinetik barrura.
Golak erabat baldintzatu zuen norgehiagoka. Arrasatearrak atzealdean sartu ziren eta kanpotarrek gorantz egin zuten. Etxekoak, baina, ondo aritu ziren defentsan eta azkenean hiru puntuak bertan gelditu ziren.
Bigarren itzuliari ondo ekin diote Mondrakoek eta partiduaren amaieran oso pozik zeuden. Azken bi partiduetan lortutako puntuek kemena eman diete.