Hiru sail bereizi dituzte
Literatura lehiaketak hiru sail izango ditu: ipuina, poesia eta bertso-papera. Beste urte batzuetan komiki saila ere izan dute, baina, aurkeztu izan duten kopuru txikia ikusita, aurten sail hori kentzea erabaki dute.
Lehiaketa Leintz bailarako gazteendako da, LHko 5. mailatik DBHko 4. mailara bitartean; batxilergoan eta 1995a baino lehen jaiotakoen mailan, ostera, Debagoien osora zabaltzen da. Nagusien mailan saria 200 euro da; DBHko 3. eta 4. mailetan, 150 euro; DBHko 1. eta 2. mailetan, 125 euro; eta LHko 5. eta 6. mailetan, 100 euro. Lanak martxoaren 30era arte aurkeztu ahal izango dira.