Aritz Arrieta: "Ondo ikusten dut apurka-apurka bizkartzainak kentzen joateko erabakia"

Barne Sailak kargudun publikoei apurka-apurka bizkartzainak kentzen joateko erabakia hartuta, gisa horretan lan egiten zuten lehen eguna izan zen atzokoa, astelehena, sailburuordeentzat, eta Rodolfo Ares Herrizaingo sailburuak iragarri du datozen hilabeteetan beste hainbat ordezkariren zaintza ere berraztertuko dutela. Aritz Arrieta Arrasateko zinegotzi sozialistari erabaki horri buruz galdetu diogu Arrasate Irratian. Begi onez ikusten duela esan du, "tentu handiz hartutakoa" delako eta "garai berriek segurtasun neurri berriak" eskatzen dituztelako, bere esanetan.