Lanbide Heziketako ikasleak, HAPOren aurrerapena bisitatzera

Hiri Antolamendurako Plan Orokorraren (HAPO) aurrerapena ezagutzeko Lanbide Heziketako Eraikuntza zikloko ikasleak Kulturaten ikusgai dagoen erakusketara joango dira hilaren 19an (11:30). Hirigintza Saileko teknikari buru Juan Antonio Urdangarinek plana azalduko die, bertatik bertara. Ikasleendako bereziki izan arren, edozein herritar dago gonbidatuta bisita gonbidatuan parte hartzera. Hori bai, lekua mugatua denez, aurrez eman behar da izena. Azken eguna, hilaren 18a: 'lanbide@arizmendi.ikastola.net' helbidean  –izen-abizenak, enpresa eta e-posta– edo 943 79 00 27 / 943 71 20 25 telefono zenbakietara deitu. 30 pertsonendako dago lekua.